Vento favorável à mudança no governo da “Xunta de Galicia”

  Nunca como hoje tempos tivemos um vento favorável à mudança no governo da “Xunta de Galicia”. Nunca acotecera antes que ao mesmo tempo o governo de boa parte dos concelhos, o que implica mais da metade da populaçom, estivera gobernada polas principais forças opositoras ao PP. Nunca antes ficara o PP sem alcaides em nenhumha das grandes ciudades, nem sem o poder em 3 das 4 deputaçons. Nunca acontecerá antes  desde começos dos 80, que ganhara um outro partido as eleiçons na Galiza que nom fora o PP(AP), e isso foi o que acontece unas ultimas gerais há perto dum ano. Entom, porquê impera o pesimismo entre muit@s dos que querem que mude o poder na Galiza?

 Para começar, os inqueritos som umha caralhada. Se mudas de jornal/tv etc, sempre vas ver matices que apontam a que vam em concordância coa linha editorial do mesmo. Mas com um paradoxo, eles tenhem que apontar a que se achegaram mais que os demais ao resultado. No actual contexto o incrível é que o PP ganhe, pois a situaçom de partida é muito mais adversa para o PP que quando Fraga perdeu as eleiçons. Os inquéritos funcionam como arma mobilizadora/desmobilizadora, de jeito mui eficaz, e o conjunto dos votantes som sempre mui susceptiveis de deixar-se influenciar polos mesmos. No actual contexto tanto os mídia afins à coaligaçom de governo na Espanha como os afíns à direita, nom querem nem ouvir falar dum governo alternativo ao do PP na Galiza e trabalham para isso. Outros mídia nom tenhem nem fundos nem capacidade para trabalhar os seus inquéritos e daí que hoje o que pensamos se veja condicionado em boa medida por aqueles que si tenhem poder para faze-los.
 Quando Fraga perdeu as eleiçons no 2005, nenhum inquérito lhe daba a perca da maioria parlamentar naquelas eleiçons, mas perdeu, por pouco mas perdeu. Antes disso ganhara as eleiçons municipais posteriores ao Prestige com umha salvedade, perdeu duas deputaçons e a extrapolaçom dos resultados anunciava a perca da maioria absoluta do PP. Todos os mídia espanhois de esquerda e direita, trataram de afundir a moral da cidadania galega, dando por morto o movimiento Nunca Mais, e conseguiram que muitos se vinheram abaixo e o deram por impossível. Se extrapolamos as últimas municipais temos que o PP perde, mas nom só isso. Se extrapolamos as ultimas gerais, o PP perdeu por primeira vez umhas eleiçons na Galiza, pois ganhou o PSOE, mas estes nem se esforçam alêm dum rutinário paripé, em que aquí mude nada, ainda mais, os há que  declaram abertamente que é convinte que Feijóo ganhe para que haja guerra interna no PP. Outros, desde a beira mais esquerdista da política espahola, mesmo reclamam que Feijóo debe sobreviver e avançar, para que tenha a oportunidade de que o PP abandone posiçons extremistas. A sorte de Galiza para muitas das gentes da esquerda espanhola é o de menos.

 Com todo, nas últimas datas o PP dá indicios de que nom as tem todas consigo, mas sabem que se as forças opositoras se moviliçam fam que os seus votantes se movam e vam perder, pois o volume de votantes tradicionais ou fieis ao PP baixou nos últimos tempos, em parte pola própria aritmética geracional. Todos os institutos demoscópicos falam de que a a margen de indecisos é bastante alta nestas eleiçons, o que em parte é a desculpa para o dia depois dizer que as previsons que deram se vinheram abaixo.

 Tod@s temos responsabilidade coa nossa opinions no dia a dia, tanto nas redes sociais como noutros ámbitos, e o preocupante é que há gente, mesmo militante da esquerda e do nacionalismo que teima em convencer-nos a tod@s de que nom há nada que fazer, que esta é umha batalha perdida. Que ganhamos ajudando a des-mobiliçar? Umha palmadinha nas costas? Um aquel de “ja vo-lo dizia eu”? Nom só falam os inqueritos publicados, há também gente que trabalha em institutos demoscópicos, que dá quando pode noticias de por onde vai realmente o tema. Algum deles está dar que Feijóo ja está por baixo da maioria absoluta desde o começo, ainda que poderia somar com V*x… que ganhamos nós com predicar o contrário? Nom seria necessário chamar a mover ceu e terra para que isso nom aconteza? A conto de que di Feijóo que poderia aliar-se com V*x, se nom sabe que isso é mais que probável?

Se a enquisa de Sondaxe lhe dá ao PP à baixa no domingo prévio às eleiçons, o dia em que mais se atendem os inquéritos, é por que algo passa. LVG nom quere nem imaginar nem anunciar que o PP vai mal, pois sabe que neste país, como noutro muitos, há muita gente que vota ao cabalo ganhador, e aí podem conseguir o resultado contrário. Mas claro, a empresa demoscópica, para o caso Sondaxe, quere deixar claro que se achega, para o dia 13 dizer que andivo mui perto do resultado, mas deu-lhe à baixa ao PP! Olho ao piolho! Ainda que eles tenham a certeza de que Ana Pontón ja supera a Gonzalo Caballero,  ninguém vai pôr a Pontón na pole, nenhum inquérito vai fazer ver um cenário onde a cousa esteja entre Pontón e Feijóo. Para muita gente, particularmente para as mulheres que votam normalment ao PP, nom é o mesmo votar ao BNG para que Caballero poida ser presidente da Xunta, que votar ao BNG para ter umha presidente, aí a dicotomía muda radicalmente, e aí muitas votariam por Ana sem dúvida.

Se boa parte das pessoas que votaram nas gerais e nas municipais, opçons diferentes do PP, votam o mesmo o dia 12, acabou-se Feijóo na Xunta. Nem falta fai que sejam todas, bastará que sejam umha boa parte. Bastará que haja vontade e ilussom para que muit@s o dia 12 prefiram parar no colegio eleitoral uns minutos a chegar antes à praia. Isso vai depender muito de que na populaçom se dea um ambiente propício ao câmbio. Que se veja que vai haver mudança, sobre todo entre a mocidade e as mulheres. Isso vai depende de que se respire a ilusom na rúa e nas redes, e a isso podemos ajudar tod@s.

• -A EQUIPA DO DESMONTANDO A ROMA PARTILHA ISTE ARTIGO QUE NOS CHEGOU DEJDE ANÓNIMO E AGRADECE @ AUTOR/A POR TERNOS ESCOLHIDO-

Jornal “La Region” califica Refraneiro Galego coma “Frases de Abuelo”

Nom há espectáculo mais terrivel ca ignorância em acçom. 
Johann W. Goethe (1749-1832) Poeta e dramaturgo alema

Tal e como ledes amigos; nom estamos ante o clássico casso de erro ou “trapalhada verbal” diante dos micros; estamos ante um titular de prensa, pensado, meditado, escrito e repassado para a sua publicaçom posterior.

    Com um “Las Mejores frases de los Abuelos Gallegos” (debe ser que as avoas do nosso pais tenhem outras ou nom tenhem) qualifica o Jornal ourensan “La Region” refrans e expressões coma 'Polo pam baila o cam', 'Marcho que tenho que marchar', 'Outra vaca no milho' , fazendo coma nom pode ser doutro jeito em iste medíocre jornal umha mistura entre Galego e Castellano de medo dando toda umha “aula magistral” do que querem dizer os retrousos galegos “em perfecto castellano”... e como aguardava o porco que nom reparássemos no porco o Desmontando a Roma decidiu erguer o escarnio..
 
   O Refraneiro Galego tem que chamar-se polo seu nome; e ademais; como parte inseparável da língua galega, e coma obra cultural do conjunto do povo galego, deveria tratar-se co respeito que merece, já que dizer “son cousas de velhos” pode resultar descalificativo para a nossa língua e mesmo para os Galegofalantes... e mais ainda cando o Galego está em pleno retrocesso sobre todo entre o sector da mocidade. ¿Acasso a gente nova que fala o galego nom ussa istas expressões?

 
   E coma umha mosca nom fai vrão quixerom rematar de cagala bem cagada e classificaram um artigo relacionado ca língua galega, “olho piolho”, coma “costumbrismo”... ¿que constumbrismo nem que cona bendita? ¿acasso tentam ocultar que o normal de um galego é falar galego no canto de castellano?¿pode ser que escrevendo costumbrismo tentem ocultur ou diluir a realidade nacional galega amordaçada pelo espanholismo?
 
   A verdade é que um já nom sabe se se trata de algum tipo de manobra orquestrada polo colonialismo espanhol para desarraigar a lingua galega e as suas formas e cores mais senlheiras ou é simplesmente produto de umha terrível ignorância.

   Seja o que seja nom deixes de mostrar o teu desacordo o dito jornal por semelhante artigo:
http://www.laregion.es/articulo/tendencias/mejores-frases-abuelos-gallegos/20150119181453517318.html

"Echarle la culpa al gallego" ou um outro assasinato do Espanholismo

"Se nom andades com tino ante os Mas-media (Medios de Comunicaçom), fraram que amedes o opresor e odiedes o oprimido"  -Malcolm X-

O futbol é simplesmente futbol e nada mais; assim mesmo debería ser; deporte (esporto para as e os que prefiram) e mais nada. Mais os partidos entre 2 equipas históricas que geram o seu redor grupos de siareiros com umha ideología, geralmente ligada a cidade ou lugar de onde é o clube, é algo mais; e queiramolo ou nom, o deporte mais seguido da península é o futbol (futebol para as e os puristas e balom-pe para as e os mais puristas) co que resulta normal que iste se convirta em meio de escape e expresóm das inquietudes sociais e das possições e aspirações sociopolíticas de cada zona; embora o objectivo de iste artigo nom é falar de futbol, dado que o futbol é simplesmente futbol.
O tempo passou, e a "grei" já esqueceu o acontecido, por isso no Desmontando a Roma sacamos este artigo, com tempo de por medio, para nom aproveitar a morte de um home como propaganda, ao jeito dos carronheiros meios de comunicaçom.
O dia 30 de Novembro um siareiro do depor é assasinado em Madrid por siareiros do Atlético de Madrid no meio de umha bronca monumental entre varias penhas de futbol.
Rapidamente a imprensa a través da nota de prensa da policía saca os titulares:

-«Jimmy», el seguidor del Deportivo fallecido: 43 años y dos hijos huérfanos
Formaría parte de la sección Los Suaves, la más radical de los ultras del club coruñés
    ABC

-Muere el aficionado del Depor tras una 'batalla' entre el Frente Atlético y Riazor Blues junto al Calderón
El aficionado gallego fue rescatado del río Manzanares por los bomberos
Tenía traumatismo craneoencefálico, hipotermia y estaba en parada cardiorrespiratoria
Francisco Javier Romero Taboada, de 43 años, estaba casado y tenía un hijo
Las dos aficiones habían quedado por WhatsApp para pegarse antes del partido
    EL MUNDO

-Muere un ultra del Deportivo tras una pelea con radicales del Atlético
El seguidor gallego, de 43 años, fallece después de que unos 200 aficionados de ambos equipos se hayan enfrentado a primera hora del día cerca del Calderón
“De repente empezaron a pegarse palizas brutales. Ha sido horroroso”
    EL PAIS

-'Jimmy tenía una edad mental de 12 años'
     LA GAZETA

-Un hincha gallego muere tras una pelea de ultras antes del Atlético de Madrid - Deportivo 
     20 MINUTOS

Lendo qualquera de istas novas o primeiro que trascende o lector é que "os implicados bem sabíam onde se metían", o segundo é que "menudo descerebrado o tio isse, com 43 anos e filhos e andar a meterse em lerias" o terceiro e nom menos importante é "pasó lo que tenía que pasar; los ultras en en futbol son extremistas y yo no estoy a favor de los extremos, ni de unos ni de otros"...pouco mais pode trascender de istas novas; a palavra bem escrita e formulada conduce inequivocamente a iste caminho; as conclusións antes citadas.

O periodismo nunca é alheo as ideologías e menos em um estado tam corrupto como é o estado Espanhol. O feito de que umha maioría de pessoas de nas mesmas reflexões logo de ler as novas nom é em absoluto umha casualidade, é froito de umha lógica inducida polos jornais. E mesmo ainda, se tal deduçóm fora consciente e propria, EM NENHUM CASO JUSTIFICARÍA O ASSASINATO DO SIAREIRO GALEGO.

Nom é coincidencia amigas e amigos que os jornais nom assinalem em nenhuma das suas edições a verba "ASSASINATO" ...a gente nom morre por chegar a Madrid, ou por estar numha peleja; a gente morre porque de todos os posiveis jeitos de levar umha malheira o Jimmy levou das piores, com ferros e bates; e logo disto foi tirado o Manzanares, um rio Madrilenho tan cheo de merda que simplesmente ja o mataría com so tocar o auga, ainda estando o coitado do home em perfectas condições.

Que um jornal trabalhe ista nova com istas verbas:

"Estos son los fanáticos más peligrosos, los que están inhabilitados para madurar y llegan a los 40 años comportándose como bárbaros adolescentes. En su caso sus patologías eran especialmente graves pues ni siquiera la responsabilidad implícita en la paternidad le impidió ejercer la conducta de bárbaro fanatizado que le ha conducido a la muerte".

...que um jornal trabalhe ista nova com istas verbas; e algo totalmente fora de lugar; e sobre todo É ALGO TOTALMENTE INTENCIONADO, aquí preténde-se culpar o agredido exculpando os agresores, estáse afirmando implicitamente que algo faría ou mesmo que o merecía... ESTA-SE A CONDICIONAR A OPINIÓM PÚBLICA. Exactamente do mesmo jeito que quando em un caso de maltrato se dera a entender que o home é bo o que passa é que bate na mulher por algumha provocaçóm da mesma, porque "algo faría" sería algo totalmente reprovavel se a prensa o publica-se assim, este tipo publicações som totalmente reprovaveis..

Olhade porque tampouco em nenhum artigo assinalam que os autores do assasinato, e o grupo ultra do "Atletico" pertencem a ULTRADEREITA ESPANHOLA. Nom é coincidencia que quando estes casos tocam a ultradereita espanhola os jornais assinalem que "es un hecho aislado", "un tragico accidente" "un error" ...podemos dizer com certeza que se o caso fora o contrario; se o morto fora dum grupo de Ultradereita os implicados seguramente estaríam relacionados com Resistencia Galega mesmamente e o facto sería mais que premeditado e estudado polos mesmos, condeando inclusive o seu entorno.

Estamos ademais, ante o tipico caso espanhol de "echarle la culpa al gallego" e mais umha vez denigralo pela sua condiçom de galego  (igual que no caso do ébola; a culpa era da galega) umha actividade que se está a convertir em deporte oficial da Espanha; "la culpa es del gallego por meterse donde no le llaman", "la culpa es del gallego, que es un radical","la culpa es del gallego que debería estar cuidando de sus hijas", "la culpa es del gallego, porque como gallego, es tonto como un niño de 12 años..." , "la culpa es del gallego...", "la culpa es del gallego...", "la culpa es del gallego..."  
...dizía o Ministro de Propaganda Nazi -Joseph Goebbels-  "una mentira repetida mil veces termina convirtiendose en una verdad" e isto é o que vem perseguindo a prensa; fazernos asumir mais umha vez que "la culpa es del gallego..."

Voltamos a repetir:  mesmo ainda, e logo de todo o dito, se tal deduçóm fora consciente e propria, EM NENHUM CASO JUSTIFICARÍA O ASSASINATO DO SIAREIRO GALEGO.

O conto podería morrer aquí; se ista fora toda a verdade; mais isse nom é o caso; os acontecementos decorreram assim:

 1º- OS ULTRA DO ATLETICO SOM PERIGOSOS. 
Ista gente forma parte de um perigoso grupo de Ultradereita agochado baixo a afeçóm a umha equipa espanhola que escudando-se no futbol adica-se a perpetrar actos coma iste. Este grupo espanholista nom tolera a gente de esquerda e menos ainda se ista é cercana ou simpatizante os procesos soberanistas Galego, Basco ou Catalám. Compre recordar outro caso de assasinato; o do cidadam Basco Aitor Zabaleta, também as portas do mesmo estadio a mãos de Espanholistas de Ultradereita,  ultras tambem do Atletico de Madrid em 1998.

2º- NUNCA EXISTIU TAL "KEDADA" POR WHATSAPP. 




Ainda que a prensa teime em iste facto, a propria polica rematou por desmentir tal informaçóm. E olho com isto porque é sobre o que se fundamenta toda a idea de que "el sabia bien donde se estaba metiendo". Estamos mesmo ante um apoio velado ao assasinato de um galego coma um facto normal, ou com vontade de que seja normalizado pola sociedade.

3º- ESTABAM AGARDANDO POR ELES.

Os espanholistas agardabam a chegada do bus galego dos siareiros do Depor na peagem da A6, e seguironos ate as portas do estadio onde ocorreu o incidente.

4º- O BERRO DE "A POR EL GALLEGO DE MIERDA" ASSASINAROM A UM SIAREIRO DO DEPOR.

E foi do Depor coma puido ser do Celta ou do Barça qualquer siareiro de esquerdas que comulgue co soberanismo de umha naçóm sem estado puido rematar baixo o "jugo e as frechas" do ultranacionalismo espanhol; em iste caso tocoulhe o Jimmy.
O futbol é soamente futbol, mais o que propiciou a peleja foi o rejeitamento a ideología de esquerdas e soberanista dos Riazor Blues por parte do Espanholismo do frente Atlético. Durante a batalha campal o home foi golpeado violentamente com um ferro e guindado ao rio...

Há que dizer na memoria de este home, que se cadra o Jimmy foi um pai que gostava coma tantos do futbol, que escolheu umha equipa galega, O Depor; escolheu, como moitos outros, entrar na penha deportivista dos "Riazor Blues" por ser Galeguista, de esquerdas e antiracista; valores que lhe predicaba os seus filhos... se cadra era assím ou nom, nom o sabemos; nom o conhecíamos de 1ª mão para julgalo dum jeito tam ruim coma a prensa espanhola... ¿e vos?

AS COUSAS COMO SOM; O QUE É, É!!!

Gentinha ...deixade-vos de tirar "balons fora", hai distintos valores:
os que defendía o assasinado e os que defendem os assasinos
...todo o demais é quitarlhe ferro o assunto e "echarle la culpa al gallego" (deporte estatal Espanhol por certo)

E cada quem debería ir escolhendo em que equipa quere jogar, sem andrómenas de "minhajoias", molhando-se decididamente, pois o futbol é simplesmente futbol, claro está, mais neste partido todas e todos nos jogamos algo mais.