Xoves de Comadres e o empoderamento da mulher.

  Em nenhum momento a equipa de “Desmontando a Roma” quere erigir-se nos clásicos “machitos de esquerdas” que lhe indicam o caminho a mulher; todo o contrario, por isso iste artigo foi lido e comentado por mulheres do eido feminista para melhoralo (ver agradecementos ao fundo do artigo).

   A cultura tradicional tem umha utilidade para a sociedade, no intre mesmo em que perde issa utilidade o que é esquezida, convirte-se em um teatro ou pantomima que carece de sentido.

Há que falar do Entroido em contraposiçom o Carnaval Mediterrâneo extendido por todo o mundo e incluso ultimamente na propria Galiza. O Entroido nom serve coma “mural” onde exibir a mulher coma um objecto sexual; nom há “Boteiras-Sexi” ou “Choqueiras-sexi”, nom vemos “Tocadoras de Fuliom-sexi” ou “Madamitas-sexi”  embora si que podemos atopar em qualquer desfile carnavalesco mulheres expostas como “rainhas do carnaval” a jeito do gando; ou Enfermeiras-sexi, Vamiresa-sexi, policia-sexi... todo isto para o gusto do sistema heteropatriarcal.

   Assim pois podemos falar, com matizes, coma é lógico; sobre o Xoves de Comadres coma umha manifestaçom tradiçonal do empoderamento da mulher dado que o feminismo como movimento reconhescido nom nasce ate a Ilustraçom embora a Cultura Galega, coma outras culturas Celtigo-Atlânticas tem umha fonda raigame Matriarcal que ainda se manifesta hoje em dia em jeitos e ussos tradiçonães que sobreviviram a romanizaçom e a cristianizaçom.


   O xoves de comadres consiste basicamente num dia festivo onde de jeito lúdico as mulheres passam a tomar o poder umha semana despois de que os homens tenham o seu proprio dia (Xoves de Compadres) logo disto voltava-se o “Status-Quo” de igualdade de generos que supostamente existiu num remoto passado em aquela Gallaecia Matriarcal.

   Estamos falando de miles de anos, e de costumes e valores que tanto o Imperio Romano, coma a Igreja (a pior de todas) e os posteriores Sistemas Feudais encarregarom-se de ir diluindo ou borrando.

   Eis que o tempo passou e a historia mudou as cousas, e se bem podemos ser acusadas e acusados de ter umha idea romantica (ou a influencia da mesma) dum suposto passado lonxicuo melhor de equidade (a través do estudo das nossas raigames) nom debemos "sacralizar" todo o nosso passado coma melhor que a propria actualidade ou melhor dito, que o futuro que entre todas e todos construímos...  xeja como fora, o caso é que o Xoves de Comadres tivo a funçom de empoderamento da mulher na sociedade; e isse debe seguir sendo o seu papel na mesma
.
   Dependendo do lugar a celebraçom das comadres tem muitas variantes; mais os valores propostos som os mesmos:

-Em alguns casos coma os da cidade de Ourense cidade os homes tentam ridiculizar as mulheres a través de bonecos a jeito de burla e estas apanha-nos e os desfarrapam. O valor recolhido nom é a burla, se nom o empoderamento ao que tenhem que chegar as mulheres para rachar literalmente ca mesma no que toca as nulheres, no tocante os homes é o processo de entender que ante a burla as mulheres também tenhem resposta, que nom som pasivas ante a burla; ou melhor e mais interesante, que se defendem ante umha agressom.
-Em Verím por exemplo ate as 12 da noite so as mulheres podem sair a rua, tem-se dado que um home saltou a norma e rematou no rio totalmente desnudo.
-Em Vilarinho de Conso corren-se as lardeiras; umha especie de "mecos" feitos com papeles de cores no que ganha quem melhor saiba protexer a sua lardeira.

Ademais resulta ser um día de expresividade e expressom da sexualidade que tam vixiada estivo pela igreja ate vai poucos anos.

Sería de interesse que o feminismo organizado nom perdera a oportunidade de gerar consciencia a través de umha tradiçom que ainda pervive a dia de hoje, e da que deixamos estes breves apuntamentos para a melhora da sua comprenssom.
A utilidade do Xoves de Comadres a nivel social é issa: o empoderamento da mulher.

QUE VIVAM AS COMADRES!!! QUE VIVA O ENTROIDO!!!



Beiçóm especial por botar-lhe um olho o artigo a:
-María de “Kolektivo Humano”
-Susana Fariña.
-Sheila Fernandez Miguez
-Mar Lopez
...e o resto que ainda q nom respostaram, polo menos dixeram estar dispostas a leelo. Sem vos o valor do proprio artigo carecería de toda lógica.
BEIÇÓM A TODAS!!!

Entroidos Perdidos: As Charruas de Alhariz

Sempre que se tenha vontade, umha manifestaçom cultural e popular pode ser recuperada; o casso das Charruas de Alhariz nom ia ser distinto.
A Charrua é umha personagem tradicional do entroido de Alhariz; moi semelhante os clássicos e singelos choqueiros e choqueiras espalhados pola geografia galega.

A estética da mascara :

A estética da mascara é singela coma a dos choqueiros clássicos das Marinhas Brigantinas ou de Trás os Montes; portam roupa velha como base; por acima umha saia, e umha especie  chaqueta feitas com sacos de esparto. A cara vai tapada com um trapo velho, geralmente de cor branca ou crema. Calçam botas negras.
Os elementos mais salientáveis som:
A clássica choca que a levam pendurada (de 1 a 3 chocas) dumha corda de esparto a cintura ainda que houbo moitas charruas que usavam o um cinto de coiro.
Umha saquinha a modo de bolso no que gardam a cinza que vam guindando as pernas da gente.
Um volante feito com fitas de papel, que recorda ainda que de moita menos complexidade os volantes do Entroido Ribeirao.

A dinâmica da Mascara:

O papel da Charrua era animar a todo o mundo e faze-los participar no entroido.
Castigaba com cinsa duramente a todo aquel que nom estivera na rua fazendo entroido.
Era umha personagem que, a traves do anonimato, fazia escárnio dos seus vizinhos e conhecidos.
A dinâmica era, em resumo semelhante a da Pantalha de Ginço de Limia ou a dinâmica do Cigarrom de Verim em origem.

A desapariçom desta mascara do entroido de Alhariz, e com ela boa parte do espírito e tradiçom do entroido local viu dada seguramente polos processos de aculturizaçom da incipiente globalizaçom, e da presom exercida desde os meios polo modelo mediterrâneo conhecido coma Carnaval e sujeito os calendários da igreja e as formas de divertimento das burguesias Mediterrâneas que na Galiza deram em perceber-se coma um progresso da capital colonial, no canto de umha sustituçom e perda de valores próprios da Galiza local; em este caso Alhariz.

Do mesmo jeito que no caso dos Centulos de Pontevedra, a sua recuperaçom depende do grado de vontade por acadar a mesma das pessoas, associações e em menor medida; mais sempre ajuda, do grau de implicaçom da administraçom.
QUE VIVA O ENTROIDO DE ALHARIZ!!! QUE VIVAM AS CHARRUAS!!!

"Echarle la culpa al gallego" ou um outro assasinato do Espanholismo

"Se nom andades com tino ante os Mas-media (Medios de Comunicaçom), fraram que amedes o opresor e odiedes o oprimido"  -Malcolm X-

O futbol é simplesmente futbol e nada mais; assim mesmo debería ser; deporte (esporto para as e os que prefiram) e mais nada. Mais os partidos entre 2 equipas históricas que geram o seu redor grupos de siareiros com umha ideología, geralmente ligada a cidade ou lugar de onde é o clube, é algo mais; e queiramolo ou nom, o deporte mais seguido da península é o futbol (futebol para as e os puristas e balom-pe para as e os mais puristas) co que resulta normal que iste se convirta em meio de escape e expresóm das inquietudes sociais e das possições e aspirações sociopolíticas de cada zona; embora o objectivo de iste artigo nom é falar de futbol, dado que o futbol é simplesmente futbol.
O tempo passou, e a "grei" já esqueceu o acontecido, por isso no Desmontando a Roma sacamos este artigo, com tempo de por medio, para nom aproveitar a morte de um home como propaganda, ao jeito dos carronheiros meios de comunicaçom.
O dia 30 de Novembro um siareiro do depor é assasinado em Madrid por siareiros do Atlético de Madrid no meio de umha bronca monumental entre varias penhas de futbol.
Rapidamente a imprensa a través da nota de prensa da policía saca os titulares:

-«Jimmy», el seguidor del Deportivo fallecido: 43 años y dos hijos huérfanos
Formaría parte de la sección Los Suaves, la más radical de los ultras del club coruñés
    ABC

-Muere el aficionado del Depor tras una 'batalla' entre el Frente Atlético y Riazor Blues junto al Calderón
El aficionado gallego fue rescatado del río Manzanares por los bomberos
Tenía traumatismo craneoencefálico, hipotermia y estaba en parada cardiorrespiratoria
Francisco Javier Romero Taboada, de 43 años, estaba casado y tenía un hijo
Las dos aficiones habían quedado por WhatsApp para pegarse antes del partido
    EL MUNDO

-Muere un ultra del Deportivo tras una pelea con radicales del Atlético
El seguidor gallego, de 43 años, fallece después de que unos 200 aficionados de ambos equipos se hayan enfrentado a primera hora del día cerca del Calderón
“De repente empezaron a pegarse palizas brutales. Ha sido horroroso”
    EL PAIS

-'Jimmy tenía una edad mental de 12 años'
     LA GAZETA

-Un hincha gallego muere tras una pelea de ultras antes del Atlético de Madrid - Deportivo 
     20 MINUTOS

Lendo qualquera de istas novas o primeiro que trascende o lector é que "os implicados bem sabíam onde se metían", o segundo é que "menudo descerebrado o tio isse, com 43 anos e filhos e andar a meterse em lerias" o terceiro e nom menos importante é "pasó lo que tenía que pasar; los ultras en en futbol son extremistas y yo no estoy a favor de los extremos, ni de unos ni de otros"...pouco mais pode trascender de istas novas; a palavra bem escrita e formulada conduce inequivocamente a iste caminho; as conclusións antes citadas.

O periodismo nunca é alheo as ideologías e menos em um estado tam corrupto como é o estado Espanhol. O feito de que umha maioría de pessoas de nas mesmas reflexões logo de ler as novas nom é em absoluto umha casualidade, é froito de umha lógica inducida polos jornais. E mesmo ainda, se tal deduçóm fora consciente e propria, EM NENHUM CASO JUSTIFICARÍA O ASSASINATO DO SIAREIRO GALEGO.

Nom é coincidencia amigas e amigos que os jornais nom assinalem em nenhuma das suas edições a verba "ASSASINATO" ...a gente nom morre por chegar a Madrid, ou por estar numha peleja; a gente morre porque de todos os posiveis jeitos de levar umha malheira o Jimmy levou das piores, com ferros e bates; e logo disto foi tirado o Manzanares, um rio Madrilenho tan cheo de merda que simplesmente ja o mataría com so tocar o auga, ainda estando o coitado do home em perfectas condições.

Que um jornal trabalhe ista nova com istas verbas:

"Estos son los fanáticos más peligrosos, los que están inhabilitados para madurar y llegan a los 40 años comportándose como bárbaros adolescentes. En su caso sus patologías eran especialmente graves pues ni siquiera la responsabilidad implícita en la paternidad le impidió ejercer la conducta de bárbaro fanatizado que le ha conducido a la muerte".

...que um jornal trabalhe ista nova com istas verbas; e algo totalmente fora de lugar; e sobre todo É ALGO TOTALMENTE INTENCIONADO, aquí preténde-se culpar o agredido exculpando os agresores, estáse afirmando implicitamente que algo faría ou mesmo que o merecía... ESTA-SE A CONDICIONAR A OPINIÓM PÚBLICA. Exactamente do mesmo jeito que quando em un caso de maltrato se dera a entender que o home é bo o que passa é que bate na mulher por algumha provocaçóm da mesma, porque "algo faría" sería algo totalmente reprovavel se a prensa o publica-se assim, este tipo publicações som totalmente reprovaveis..

Olhade porque tampouco em nenhum artigo assinalam que os autores do assasinato, e o grupo ultra do "Atletico" pertencem a ULTRADEREITA ESPANHOLA. Nom é coincidencia que quando estes casos tocam a ultradereita espanhola os jornais assinalem que "es un hecho aislado", "un tragico accidente" "un error" ...podemos dizer com certeza que se o caso fora o contrario; se o morto fora dum grupo de Ultradereita os implicados seguramente estaríam relacionados com Resistencia Galega mesmamente e o facto sería mais que premeditado e estudado polos mesmos, condeando inclusive o seu entorno.

Estamos ademais, ante o tipico caso espanhol de "echarle la culpa al gallego" e mais umha vez denigralo pela sua condiçom de galego  (igual que no caso do ébola; a culpa era da galega) umha actividade que se está a convertir em deporte oficial da Espanha; "la culpa es del gallego por meterse donde no le llaman", "la culpa es del gallego, que es un radical","la culpa es del gallego que debería estar cuidando de sus hijas", "la culpa es del gallego, porque como gallego, es tonto como un niño de 12 años..." , "la culpa es del gallego...", "la culpa es del gallego...", "la culpa es del gallego..."  
...dizía o Ministro de Propaganda Nazi -Joseph Goebbels-  "una mentira repetida mil veces termina convirtiendose en una verdad" e isto é o que vem perseguindo a prensa; fazernos asumir mais umha vez que "la culpa es del gallego..."

Voltamos a repetir:  mesmo ainda, e logo de todo o dito, se tal deduçóm fora consciente e propria, EM NENHUM CASO JUSTIFICARÍA O ASSASINATO DO SIAREIRO GALEGO.

O conto podería morrer aquí; se ista fora toda a verdade; mais isse nom é o caso; os acontecementos decorreram assim:

 1º- OS ULTRA DO ATLETICO SOM PERIGOSOS. 
Ista gente forma parte de um perigoso grupo de Ultradereita agochado baixo a afeçóm a umha equipa espanhola que escudando-se no futbol adica-se a perpetrar actos coma iste. Este grupo espanholista nom tolera a gente de esquerda e menos ainda se ista é cercana ou simpatizante os procesos soberanistas Galego, Basco ou Catalám. Compre recordar outro caso de assasinato; o do cidadam Basco Aitor Zabaleta, também as portas do mesmo estadio a mãos de Espanholistas de Ultradereita,  ultras tambem do Atletico de Madrid em 1998.

2º- NUNCA EXISTIU TAL "KEDADA" POR WHATSAPP. 




Ainda que a prensa teime em iste facto, a propria polica rematou por desmentir tal informaçóm. E olho com isto porque é sobre o que se fundamenta toda a idea de que "el sabia bien donde se estaba metiendo". Estamos mesmo ante um apoio velado ao assasinato de um galego coma um facto normal, ou com vontade de que seja normalizado pola sociedade.

3º- ESTABAM AGARDANDO POR ELES.

Os espanholistas agardabam a chegada do bus galego dos siareiros do Depor na peagem da A6, e seguironos ate as portas do estadio onde ocorreu o incidente.

4º- O BERRO DE "A POR EL GALLEGO DE MIERDA" ASSASINAROM A UM SIAREIRO DO DEPOR.

E foi do Depor coma puido ser do Celta ou do Barça qualquer siareiro de esquerdas que comulgue co soberanismo de umha naçóm sem estado puido rematar baixo o "jugo e as frechas" do ultranacionalismo espanhol; em iste caso tocoulhe o Jimmy.
O futbol é soamente futbol, mais o que propiciou a peleja foi o rejeitamento a ideología de esquerdas e soberanista dos Riazor Blues por parte do Espanholismo do frente Atlético. Durante a batalha campal o home foi golpeado violentamente com um ferro e guindado ao rio...

Há que dizer na memoria de este home, que se cadra o Jimmy foi um pai que gostava coma tantos do futbol, que escolheu umha equipa galega, O Depor; escolheu, como moitos outros, entrar na penha deportivista dos "Riazor Blues" por ser Galeguista, de esquerdas e antiracista; valores que lhe predicaba os seus filhos... se cadra era assím ou nom, nom o sabemos; nom o conhecíamos de 1ª mão para julgalo dum jeito tam ruim coma a prensa espanhola... ¿e vos?

AS COUSAS COMO SOM; O QUE É, É!!!

Gentinha ...deixade-vos de tirar "balons fora", hai distintos valores:
os que defendía o assasinado e os que defendem os assasinos
...todo o demais é quitarlhe ferro o assunto e "echarle la culpa al gallego" (deporte estatal Espanhol por certo)

E cada quem debería ir escolhendo em que equipa quere jogar, sem andrómenas de "minhajoias", molhando-se decididamente, pois o futbol é simplesmente futbol, claro está, mais neste partido todas e todos nos jogamos algo mais.

Anova felicita o nadal copiando o Olentzero do PNV

Umha magoa o desconhecemento que existe sobre a nossa cultura e as carências na linguagem inclusiva... EGUBERRI ON A TOD@S!

Entroidos perdidos: "Os Centulos do Antroido de Pontevedra"

Antes de começar ca breve exposiçom do que foi o Antroido de Pontevedra compre lembrar mais umha vez que na Galiza enteira houve (e ainda há em muitas comarcas) o modelo de festa conhecida como Entroido,ista mesma desapareceu ou “mutou” no “Carnaval Mediterrâneo” devido o processo de colonizaçom económico, político e cultural o que está sometido o país desde vai séculos. Sem comprender este processo de substituçom cultural nom se pode valorar objectivamente o presente artigo.

Umha das representações do Ravachol
no Carnaval celebrado em Ponteveda

Actualmente em Pontevedra celebrasse polo Entroido umha festa baseada na figura do “Ravachol” seguindo o modelo de carnaval mediterrâneo no canto do “Entroido Atlântico” 
Mais fora da ideia de fazer publicidade ou crítica desta personagem imos centrar-nos em umha variedade do entroido galego que desapareceu coma outras, más que também pode retornar coma o fixeram com força os “Merdeiros” em Vigo graças o trabalho da gente da incansável Revolta excelente exemplo de um trabalho de recuperaçom e prova de que se há vontade a cultura do país pode agromar de novo.

Do mesmo jeito que qualquer casa do pais, cando se começa a erguer, temos que começar sem medo pola 1ª das pedras… mais neste caso a casa já estivo ergueita há anos, abandonouse e veu abaixo sendo comida polas silvas e a broça… Assim pois o trabalho que há por diante é o de desbroçar e retirar os cascalhos que logo serám reaproveitados para a reconstruçóm.  Pode-se considerar ete trabalho feito se olhamos os artigos “Entruido Galego VS. Carnaval Mediterrâneo” e “Que viva o Entroido” assim coma no exposto ao primeiro do artigo.

Os "Merdeiros" de Vigo; excelente trabalho de
recuperaçóm do Entruido local.

Umha vez feito iste trabalho o que foi a casa queda a vista e com um pequeno trabalho de investigaçom podemos fazernos uma ideia do que foi em tempos e do que queremos que pode chegar a ser. Assim pois o Antroido dos Centulos de Pontevedra pode retornar do mesmo jeito que reconstruimos a velha casa dos nossos avós e ainda que adaptada aos momentos actuais com aquecimento de “pellets” e vitrocerâmica, a arquitectura da casa nom deixa de ser a tradicional; com umhas pequenas evoluções claro está, pois pouca gente quere usar gando como aquecimento na actualidade.



O calendário do Entruido na cidade de Pontevedra:

Do mesmo jeito que o resto do pais o entroido começava alo contra o aninovo; em vários escritos refirem-se a saída das máscaras contra os reises a jeito de foliões saíam os famosos centulos e também contra os dias grandes de entroido mais todos coincidem em destacar a processom do Corpus Christi que sumou como bem destaca o grande de Vila Franca do Bierzo Frei Martin(nho) Sarmiento esta figura central a debándita ruada..

Frei Matin(ho) Sarmiento
"O Grande de Vilafranca do Bierzo"

Na maioría dos casos tenta-se fazer umha analise dos centulos de Pontevedra ilhados da época do Entruido quando foi precisamente a origem desta personagem; assim pois em 1552 o grémio do Sam Juliam sacava as ruas na festa do Corpus a “Tarasca ou Coca”  verde (umha representaçom da Cobrega ou serpe alada galáica) mais nom se fala em absoluto de mascarada nenhuma. Nom é ate 1658 quando se fala da mascarada dos Centulos; que evidentemente foi deslocada do seu contexto geral (cousa que aconteceu em outras cidades e vilas galegas coma por exemplo em Betanços cos “Demachinhos”

Ista “movilidade” da celebraçom nom foi froito da casualidade nem tampouco a sua desapariçom, já que logo “convidou-se” desde a igreja a “fazer mais colorida” certas celebrações eclesiásticas o longo de todo o país as que logo foram proibidas por motivo de ser cultos pagãos ou o demo. Deste jeito e bem por ser froito da casualidade ou de umha orquestrada vontade, o entroido dos Centulos da cidade de Pontevedra rematou por desaparecer.

Assim pois, pode-se falar de que ista singular entroidada chegou a sair 2 vezes o ano, mais a hora de umha possível recuperaçom deveria de retornar ou ser devolta o seu ciclo festivo próprio, que é o entroido, antes de encetar umha “2ª ruada” pola época do Corpus Christi.

De Como era festa do Entroido tradicional de Pontevedra:

Dos Centulos de Pontevedra chegounos moi pouco ate o dia de hoje, e curiosamente chegounos a informaçom do entruido de mãos da igreja. Mais umha vez Frei Martin(ho) Sarmiento, o grande de Vilafranca do Bierzo abre umha janela para a cultura galega desde a obra “Meco-Moro-Agudo: Epítetos del impostor Mahoma” do que Clodio Gonçalves Peres fai umha ediçom moi atinada.
Aquí é onde temos a maior parte da informaçóm:

“e nas foliadas
de tempos a tempos
a Velha do Grove
com côs e mantelo”

(é a que mata o “Meco”; personagem recorrente de muitos entruidos)
…
“se todo se junta
e fay hum paseo
a Vella do Grove,
Centulos, Choqueiros,
Folions de noite,
cacholas dos nenos,
e mais cabalgada
côs doce gaiteiros”

Assim pois com istes escritos e outros atopamos que em tempos do Corpus os choqueiros de Pontevedra, conhecidos coma centulos saíam a rua acompanhando a suposta velha (personajem) que matou o Meco seguidos das autoridades montadas em “Facos Galegos” (o garanhóm, garrano ou cavalo nacional galego) e um séquito de 12 gaiteiros.

Se vem os gaiteiros ainda som conservados a día de hoje no día do Corpus, o resto desapareceu/foi proibido co passo do tempo.

Assim pois temos que probabelmente no entroido de Pontevedra a figura central sería a velha que matou o Meco, escoltada polos choqueiros (brincadeiros) Centulos que som encarregados de abrir-lhe passo entre as multitudes.

A velha representa a moralidade, a que mata o “libidinoso” Meco em iste entroido, mais também a velha representa a “vinganza” a idea de “devolver a honrra o povo” a de matar a aquel que provocou tantas infidelidades  e todo isso coma contratempo o significado da época de ruptura da orde estabelecida que é a festividade do Entruido. É em essência o conceito da justiça pola sua mão, e mesmo podería estar entroncada cas “Matres Gallaeiciai” co matriarcado galaico cas “3 deusas” na qual a velhez podería representar justiça real.

Os centulos representavam “a trapalhada” e o “desleixo” assim mesmo o demostram frases coma “levou as chocas” ou “fixo o centulo” e a mesma vez som os reises do entroido que servem a rainha, venhem a ter um papel homólogo os Boteiros de Vilarinho de Conso,que abrem passo o folióm ca sua monca ou mais correctamente peliqueiros do Entroido Ribeirao que fazendo “choqueiradas” abrem o passo a comitiva e protexem o ícone do entroido o volante (que no caso Pontevedrés era a Velha).

O folióm e a comitiva; nom estamos certos de se responde o modelo de folióm dos grandes bombos das comarcas de Trives,O Bolo, Valdeorras… mais o certo é que contra A Guarda existe um modelo de de formaçóm musical tradicional conhecido coma “Treboada” que porta uns bombos intimamente ligados cos mencionados foliões de Entruido, e que como bem assinala Xerardo Fernández Santomé na obra “Treboada Galega” tabém saíam polo entroido.

Embora os foliões som específicos provavelmente de certas comarcas galegas igual que em Portugal.

É bastante provavel que as autoridades montadas em “Facos Galegos” seja umha incorporaçom posterior froito do processo de cristianizaçóm dos rituais e festas paganas da Galiza.

A estética das máscaras:


A Velha:
Poucos datos podemos tomar do escrito sobre a personagem da Velha, pouco mais que leva Côs e Mantelo e imaginarmos qualquer disfraz de velha, tam recorrido nos entroidos.

Os Centulos:

• As Chocas: é o elemento fundamental e diferencial do choqueiro e por extenssom do Entruido. Dado que todos falam em plural do uso de chocas polos centulos, resulta induvidavel que levabam de 2 em adiante, mas atopámonos ca necesidade de fazer umha estimaçom no número levado.
• A Máscara: assinalam os escritos que era feita co caparaçom de umha Centola que cobria a cara para tapar a identidade.
• A vestimenta: Assinalam que no ano 1658 vestia a linhas negras e amarelas, mais nom especificam se horizontais ou verticais coma a vestimenta dos Volantes de Santiago de Arriba (Entroido Ribeirao).
• Arma: do mesmo jeito que as pantalhas de Xinzo da Limia a sua arma eram “vinchas” ou vixigas de vaca mais no caso dos Centulos eram tres vinchas atadas a um pau a arma esgrimida.
• As atribuições choqueiras: as choqueiradas consistiam em fazer burla da gente, molestar os tendeiros e mesmo apropiar-se da mercadoria dos mesmos; mais também abrir passo o folióm e protexer a velha cas suas vinchas.

Logo de desbroçar:

Coma assinalamos o primeiro do artigo, logo de desbroçar e retirar alguns cascalhos, a nossa velha casa ficou a vista, se cadra o que se presenta ante os nossos olhos nom está claro de todo, e a própria recostruçom pode fazer-se de muitos jeitos.
Umha possibilidade para “re-edificar” o entroido de Pontevedra a jeito de “planos de construçom” seria que o agora famoso Ravachol explicara a historia do “Meco” e de cómo a Velha o matou dando passo os Centulos, a Velha e folióm que percorreriam as ruas da zona velha de Pontevedra, coligariam o “Meco” na praza e protagonizaríam um juízo e enterro queimariadoo e aldraxandoo o mercores de cinza. 

Mais que os Centulos voltem a sair por Pontevedra e que a Velha mate o Meco nom corresponde o “DESMONTANDO A ROMA” se nom que corresponde a cidadania de Pontevedra em geral e as associações culturais em particular, que som os que sustentam na praxe as “trabes” dos entroidos assim coma a boa vontade e ajuda das administrações que nunca estám de mais a hora de voltar a erguer “istas casas tradicionais; ista parte do património que fai que a cultura galega se poda chamar galega.

...ondinhas venhem e vam...

A 1º victoria galega consiste em que os demais pensem que somos um povo tranquilo, maiminho, saudoso, morrinhento, melancolico... coma o é a nossa doze e agarimosa paisagem...

As filhas e filhos de umha terra brava sempre seram bravos!!!

Justiça divina em Muxia polo Nadal?

“mal de olho, negros meigalhos,

cheiro dos mortos, tronos e raios” 
                –do conxuro da Queimada

Galiza, isse país estranho: 

Galiza é sem dúvida um pais de sucessos estranhos, estrangeiras e estrangeiros nom duvidam em dizer que “en esta tierra pasan cosas muy raras” cousas que resultam inexplicáveis mais que apontam a “forças estranhas” que nom compreendemos… coma naçóm atlântica, Galiza tem umha forte carga mitológica sobre todo iste lendário… 

O 13 de Novembro do 2002 deu começo um dos episódios mais penosos e insultantes para a historia da Galiza : O desastre do Prestige; por isso o dia 13 de Novembro quedará gravado a ferro na nossa memoria colectiva como Galegos e galegas, e sempre o assinalamos no calendário coma umha data para lembrar um berro que hoje volta a escoitar-se com mais força que nunca: NUNCA MAIS!!! (por certo ide a mirar que data do ano Manfrez “O Alemã de Camelhe” assinalara com anterioridade no próprio porto de Camelhe, no espigóm). 
A marea negra e a negra incompetência do Partido Popular provocou que a desgraça assolara toda a costa galega mais também provocou que a marea branca da solidariedade acudira em massa desde toda Galiza e boa parte do resto de Europa, agrupados em fraternal irmandade baixo a bandeira do Nunca Mais. Moitos arribaram a Galiza para solucionar aquela desastre que a incompetência inoperância e falta deprevisóm do PP agravou mentras os meios de comunicaçóm centravam (sem saber daquelas moi bem por que; sendo Carnota a “zona 0”) toda a sua atençóm em Muxia. 

As 13 moedas de Judas: 

Muxía fora umha vila pequena que debía a sua existência o mar; pois sempre foi iste o seu principal recurso para o sustento mais a maré negra rematara de súpeto com todo aquilo; e os meios de comunicaçóm tinham especial interesse em assim reflexalo; TODOS OS DÍAS SAÍA MUXIA NA TELE E MESMO SE DERAM AS BADALADAS DAQUEL ANO DESDE MUXIA! 
…Resultava que em realidade o 2003 era ano de eleições municipais e os cartos em forma de indemnizações milhonarias e as promessas nom tardarom em chegar. 
O PP queria dar um golpe de efeito e tentou mercar o povo de Muxia. Os cartos e a promessa de um parador de turismo para a vila foi o prezo a convenir... já nom teriam que depender do mar... “mais nunca” 
Da mão das gentes de Muxía estava a 1ª das redenções democráticas da Galiza, a honra das palavras Galega e Galego também dependiam em certo jeito do que saíra de aquelas caixas de votos... e moitos e moitas cumpriram; mais UMHA MAIORÍ TRAICIONOU-NOS... 

Aquel dia um a um foram entrando nas furnas os votos o candidato do PP... e cada vez que isto ocorria repetia-se a imagem de Judas recolhendo aquelas 13 moedas... 10,100,1000 vezes e mais; Judas recolheu aquelas 13 moedas... nom só se traiçoaram a eles mesmos; traiçoaram também o bom nome e honra dos galegos, traiçoaram a todos aqueles voluntários (entre eles um servidor que escreve) que, pagando com cartos do seu peto, a viagem ate alo incluso desde Alemanha, foram ali a limpar voluntariamente... e o que é pior de todo: traiçoaram o mar que sempre lhes deu sustento e a Mãe Galiza que com tanto agarimo lhes deu morada... ...todo por aquelas 13 moedas; igual que Judas. 

Aqui nom passou nada; há que esquecer: 

A tónica geral foi de “aqui nom passou nada” semelhava co decorrer do tempo que as gentes de Muxía centraram-se no cobro daquelas 13 moedas... exigiram a construçóm do famoso e aclamado parador de turismo; negocio do que, por outra banda, nem concelho nem vizinhos seriam proprietários xamais... Baratos se venderam aqueles Judas; as suas 13 moedas nom eram nem um prato de caldo para o futuro dos seus, deixaríam de ser luitadores do mar para ser escravos de Paradores S.A. ...moito melhor; onde vai parar. 
Passavam os anos e o famoso parador nom chegava; mais de súpeto no 2013 comezarom as obras; assim, sem mais... ¿sem mais, seguro? 

No Estado Espanhol a justiça nom existe: 


O ano 2013 ia a ser o ano do juízo do Prestige, e nom convinha ter a gente ca atençóm posta em Muxía já que logo arrancarom as obras do parador para tapar moitas bocas. 
Assim o dia 13 de Novembro do 2013 fixo-se pública a sentença do juízo polo Prestige, NINGUÉM ERA CULPAVEL!!! ...e quedou demostrado que a justiça do Estado Espanhol era um invento, mais um aparato o serviço dos de sempre... 
E a chama do Nunca Mais voltou a iluminar mais umha vez reclamando,se cadra de um jeito um bocado iluso, honra os ruins... A gente viu-se estafada, enganada e mesmo insultada... Os poderosos controlavam todo, e eles mesmos eram porteiros dos cárceres onde deveriam estar presos. 

“...Ninguém pagará? Queremos justiça!” 

-“...Ninguém pagará? Queremos justiça!” escoitava-se por todos os recunchos do pais dos galegos e mais aló de Ponferrada... sentiam-se doidos ante a situaçóm; pois culpáveis e traidores nom iam a pagar polos seus delitos ou infâmias... que vergonha... 
...Mais algo aconteceu! Mais aló do controlo da mão dos homens poderosos... Algo próprio dos contos atlânticos do pais galego; algo que, fora de toda compreensóm trazia dalgum jeito a justiça. 
Contra todo prognóstico, o dia de Nadal de 2013 a Igreja da Virgem da Barca era alcançada por um lóstrego e consumida posteriormente polas lapas. O símbolo mais senlheiro de Muxía; o atractivo nº1 da vila; o único quem de encher aquel parador de turismo, parador graças o qual nom teriam que depender mais daquele mar o que traiçoaram... Aquelas 13 moedas cada vez tinham menos valor... 
Umha mágoa, sem dúvida, para um dos ícones do património galego mais conhecidos... que triste perda e que estranho sucesso senhoras e senhores, inexplicável como puído acontecer JUSTO o dia de Nadal... mais ¿para que querem umha virgem marinheira aqueles que venderom a dignidade de ser marinheiro? estranha coincidência que ardera JUSTO no ano da injusta sentença do Prestige...estranha coincidência que ardera a Virgem da Barca de Muxía e nenhuma outra...estranha coincidência que ademais os dous pára-raios que tem resultaram inúteis...
Igualinho que nos mais escuros meigalhos, ou se cadra “agasalho” de nadal dum deus Cristiano que quere dar um outro “golpe de efeito” com um sinal do céu a jeito de “Justiça Divina” ou se cadra ¿é froito do famoso Karma como prova disa espécie de justiça divina?, ¿ou será mais vem a Justiça Divina dissa Galiza Mãe e Senhora que decide vingar a honra do seu nome? 
Todo isto tem umha explicaçóm cientifica, obviamente, que é na que acredito; pois eu nom creo em cousas de meigas… “MAIS HABELAS HAINAS”